Saltar ao contido

Soporte

Soporte de persoas que coñecen a recepción

Un equipo dedicado, técnico e con coñecemento hoteleiro, que sabe como funciona un aloxamento e que os picos chegan cando os demais descansan. O urxente atendémolo a calquera hora: noites, fins de semana e festivos.

  • Urxencias 24/7
  • Por escrito e con trazabilidade
  • Equipo propio en España

Como contactar connosco

Tres formas de chegar a nós, a calquera hora

Botón Soporte na app

Desde o botón Soporte de Roomdoo abres un tíquet en calquera momento, co contexto do teu hotel, sen saír da aplicación.

Correo electrónico

Escríbenos a soporte@roomdoo.com. Cada correo entra como tíquet e respondémosche por escrito.

Roomdoo Academy

Guías e curso en vídeo para resolver dúbidas no momento, sen agardar por ninguén.

Quen te atende

Xente que estivo detrás do mostrador

O noso equipo de soporte e altas fórmano especialistas en hostalaría con anos de experiencia en recepción. Saben como fala un hotel, que é urxente e que pode agardar, e que o traballo se acumula de noite, na fin de semana e en tempada alta.

Xunto a eles, técnicos que coñecen Roomdoo e Odoo por dentro. Así resolvemos cada consulta con criterio de negocio e con solvencia técnica.

Coñece unha parte do equipo no Talentia Summit ’24 (en castelán)

Desde a alta

Acompañámoste ata que o teu hotel funciona con Roomdoo

O soporte empeza antes do primeiro tíquet. O mesmo equipo acompáñate na alta, na configuración e na posta en marcha, e segue contigo despois.

  1. 01

    Alta e análise

    Revisamos como traballa o teu aloxamento: habitacións, tarifas, canles e facturación.

  2. 02

    Configuración e datos

    Pasamos os teus datos e deixámolo configurado en menos de 7 días.

  3. 03

    Canles e pagamentos

    Conectamos as túas canles de venda, o teu motor de reservas e as túas pasarelas de pagamento.

  4. 04

    Formación

    Formamos o teu equipo por videochamada, co teu propio hotel diante.

  5. 05

    Posta en marcha

    Acompañámoste os primeiros días ata que todo funciona, e seguimos contigo por escrito.

Como traballamos cada caso

Un soporte no que podes confiar

Urxencias 24/7, todo o ano

Se algo che impide traballar, atendémoste a calquera hora, tamén en festivos e tempada alta. O resto de consultas, de luns a venres de 9:00 a 18:00 (hora peninsular).

Todo queda por escrito

Cada tíquet ten o seu historial: nunca perdes o fío nin tes que repetir nada.

O que bloquea o teu hotel, primeiro

Priorizamos o que che impide traballar: un check-in, un cobro, unha reserva que non entra.

Técnico e hoteleiro á vez

Entendemos a operativa do mostrador e tamén como funciona o sistema por dentro.

Un mesmo equipo

Persoas que seguen cada caso ata resolvelo, sen pasarte dun departamento a outro.

Cada incidencia mellora Roomdoo

Analizamos o que nos contan os hoteis para corrixilo de raíz e que non volva pasar.

O que din os hoteis

Un soporte que se nota nas opinións

4,9 en Google★★★★★Ver todas as opinións

«O soporte é rápido, profesional e sempre disposto a resolver calquera incidencia ou dúbida, o que xera moita confianza no uso diario.»

Alberto BarbeitoA Marisqueira

«Cada vez que tiven unha consulta ou un problema, soubo darme unha solución rápida e efectiva.»

Maika GarcíaRiver Santander

«PMS intuitivo e cun servizo de soporte que resolve as incidencias e consultas de maneira moi rápida.»

Ingrid SenandezOpinión en Google
Opinións traducidas do castelán.

Mellora continua

O que nos piden os hoteis en soporte, convertémolo en melloras

Cada solicitude de soporte alimenta a mellora continua de Roomdoo. Estas son as últimas novidades, sen custo extra para ti.

Todas as novidades do produto

A tranquilidade que o teu aloxamento merece

Próbao cun hotel de exemplo ou amosámoscho co teu, sen compromiso.